पोखरा । पोखरेली ट्याक्सी सेवा प्रालिले आआफ्ना सवारी साधन घर तथा ग्यारेजमा थन्क्याएर आन्दोलनमा सहभागी हुन आह्वान गरेको छ । संस्थाका महासचिव युवराज भट्टराईले एक सूचना जारी गर्र्दै यस्तो आग्रह गरेको हो ।
प्रदेश सरकारले सार्वजनिक यातायात क्षेत्रलाई आम नागरिकको पहुँचमा पुयाई थप मर्यादित र व्यवस्थित बनाउनुको सट्टामा सिङ्गो सार्वजनिक यातायात क्षेत्रमाथि नै प्रत्येक्ष असर गर्ने गरी सार्वजनिक यातायात व्यवसायी र मजदुरलाई नै समाप्त गर्ने र आम नागरिकको जीवनस्तरलाई समेत जोखिमयुक्त बनाउने काम गरेको समितिले उल्लेख गरेको छ ।
गण्डकी प्रदेश सरकारले संघीय कानूनको बर्खिलाप हुने गरी गण्डकी प्रदेश सरकारले राइड सेयरिङलाई मान्यता दिने निर्णय गरेको आरोप लगाए ।
महसचिव का अनुसार गण्डकी प्रदेशमा जेठ १६ र केन्द्रीय कार्यक्रमअनुसार जेठ १९ देखि देशभर यातायात सेवा ठप्प हुनेछ ।
यता, सार्वजनिक यातायात बचाउ संघर्ष समितिले समेत तीन बुँदे माग अघि सारेर आन्दोलनमा उत्रिने चेतावनी दिएको छ ।
समितिको तीन बुँदे मागमा सरकारले ल्याएको नियमावली पूर्ण रूपमा खारेज हुनुपर्ने, सार्वजनिक सवारी संचालन विधि, आयात नीतिलगायत सम्बन्धमा प्रदेश सरकारको लिखित नीति ठोस हुनुपर्ने र सार्वजनिक यातायात क्षेत्रमा योगदानमा आधारित सामाजिक सुरक्षा कोष अनिवार्य लागू गर्नुपर्ने छ ।
गण्डकी प्रदेश सरकारले गत जेठ १ मा राइड सेयरिङ (नियमन र व्यवस्थापन) नियमावली २०८२ प्रदेश राजपत्रमा प्रकाशित गरेको थियो ।
यस्तो छ अपिल
