पोखरा । प्रगतिशील लेखक संघ गण्डकी प्रदेशको सचिवालय गठन गरिएको छ । संघको पोखरामा भएको दोस्रो पूर्ण बैठकले प्राडा यदुनन्दन उपाध्यायको अध्यक्षतामा नौ सदस्यीय सचिवालय गठन गरेको हो ।
संस्थाको उपाध्यक्षद्वयमा कल्पना पौडेल र निर्मल सापकोटा, सचिवमा रुपिन्द्र प्रभावी, कोषाध्यक्ष गीता तिवारी र उपसचिव नारायण बास्तोला छन् ।
यस्तै कार्यसमिति सदस्यमा बाबुराम सुवेदी, सुरज उपाध्याय र विनोदकुमार विक छन् । बैठकले जनकलाल तिवारी, सुरज उपाध्याय र कुमार तामाङलाई सदस्य मनोनयनसमेत गरेको छ ।
संघको सल्लाहकारका रूपमा रघुनाथ अधिकारी, रामराज रेग्मी, झलकपाणि तिवारी, नारायण परिश्रमी, पद्मराज ढकाल, यादवराज उपाध्याय, लोकबहादुर थापा, डा कृष्णराज अधिकारी, शेषमणि आचार्य ध्रुवलाल शर्मा छन् ।
बैठकले गण्डकी प्रदेशका विभिन्न जिल्लाका गतिविधिलाई थप प्रभावकारी बनाउन विभिन्न व्यक्तिलाई जिल्ला इन्चार्ज तोकिएको छ ।
जसमा प्रदेश उपाध्यक्ष तथा केन्द्रीय सदस्य निर्मल सापकोटलाई कास्की र बागलुङ, केन्द्रीय सदस्य भीम रानाभाटलाई मुस्ताङ र म्याग्दी, केन्द्रीय सदस्य देव गजमेरलाई लमजुङ र नवलपुर, केन्द्रीय पार्षद् आकाश अधिकारीलाई मनाङ र गोरखा, जुना खड्कालाई तनहुँ तथा शम्भु अर्याललाई पर्वत र स्याङ्जा इन्चार्ज छन् ।
