पाेखरा। इङल्याण्डले भारतविरुद्धको पहिलो टेस्ट जितेको छ । ५ खेलको टेस्ट सिरिजको पहिलो खेलमा इङल्याण्ड ५ विकेटले विजयी भएको हो ।
भारतले दिएको ३ सय ७१ रनको लक्ष्य पछाएको इङल्याण्डले खेलको पाँचौं दिन ५ विकेट गुमाउँदै लक्ष्य पूरा गरेको हो ।
यसअघि भारतले आफ्नो दोस्रो इनिंगमा ३ सय ६४ रन बनाएको थियो । त्यस्तै टस हारेर पहिला ब्याटिंग गरेको भारतले आफ्नो पहिलो इनिंगमा ४ सय ७१ रन बनाएको थियो ।
त्यस्तै इङल्याण्डले आफ्नो पहिलो इनिंगमा ४ सय ६५ रन बनाएको थियो ।
त्यस्तै यस टेस्टमा कुल ७ शतक बने । भारतका ऋषव पन्तले दुवै इनिंगमा शतक बनाए । ऋषवले पहलो इनिंगमा १ सय ३४ र दोस्रो इनिंगमा १ सय १८ रन बनाएका थिए ।
त्यस्तै भारतीय कप्तान शुभमन गिलले पहिलो इनिंगमा १ सय ४७ रन बनाए भने भारतका यशस्वी जैसवालले पहिलो इनिंगमा १ सय २ रन बनाए । त्यसैगरी भारतका केएल राहुलले दोस्रो इनिंगमा १ सय ३७ रन बनाए ।
त्यसैगरी इङल्याण्डका खेलाडी ओली पोपले पहिलो इनिंगमा १ सय ६ रन बनाए भने दोस्रो इनिंगमा बेन डकेटले १ सय ४९ रन बनाएका थिए ।
यो जितपछि इङल्याण्डले ५ खेलको सिरिजमा १-० को अग्रता लिएको छ । अब सिरिजको दोस्रो खेल जुलाई २ देखि बिर्मिङघममा हुँदैछ ।
