पोखरा । काठमाडौंबाट पोखरा आउँदै गरेको ग१ख १८८८ नम्बरको यात्रुबाहक बस लेखनाथमा दुर्घटना भएको छ ।
नौ जना यात्रु सवार यो बस दुर्घटनामा दुई जना घाइते भएको प्रहरीले जनाएको छ ।
उनीहरुको पोखरास्थित अस्पतालमा उपचार भइरहेको छ ।
आज बिहान ४ः३० बजे सो बस लेखनाथको नमस्ते पार्टी प्यालेसको अगाडि सडकको नालामा पल्टिएको हो ।
तीव्र गतिका कारण बस पल्टिएको प्रहरीको अनुमान छ । बसमा सवार अन्य यात्रु सकुशल छन् ।
