पोखरा | नेपाल प्रहरी सम्बन्धी कानून प्रहरी सेवालाई आशालाग्दो बनाउने गरी निर्माण गर्नुपर्नेमा सांसदहरुले जोड दिएका छन् ।
आईतवारको राज्य व्यवस्था तथा सुशासन समितिको बैठकमा बोल्दै सांसदहरुले यस्तो बताएका हुन् ।
नेपाल प्रहरीलाई सक्षम, स्वतन्त्र बनाइनुपर्ने उनीहरुको भनाइ छ ।
समितिको बैठकमा बोल्दै नेकपा (एकीकृत समाजवादी) का सांसद शेरबहादुर कुँवरले नेपाल प्रहरीले इतिहासदेखि नै महत्वपूर्ण काम गरिरहेको भन्दै प्रहरी सेवालाई आशालाग्दो सेवाका रुमपा विकास गर्नुपर्ने बताउनु भयो । त्यसका लागि कानूनमा नै प्रवन्ध गर्नुपर्ने बताउनु भयो ।
संस्थालाई अझ बलियो र उत्तरदायी बनाउनुपर्ने बताउनु भयो । प्रहरी प्रशासनलाई स्वतन्त्र ढंगले काम गर्न पाउने गरी व्यवस्थित बनाउन जरुरी रहेको बताउनु भयो ।
