पोखरा । युवा तथा खेलकुदमन्त्री तेजुलाल चौधरीले युवालाई सर्वसुलभ र झन्झटरहित तरिकाले सम्पूर्ण कर्जा दिने व्यवस्था गर्नुपर्ने बताउनुभएको छ ।
सोमवार काठमाडौंमा आयोजित एक कार्यक्रमलाई सम्बोधन गर्दै उहाँले यस्तो बताउनुभएको हो ।
सरकारले उद्यम प्रवद्र्धनका लागि ल्याएको ब्याज अनुदान कार्यविधिको उचित कार्यान्वयन हुनुपर्ने बताउनु भयो ।
स्टार्टअपको लागि परियोजना धितो राखेर कर्जा दिने व्यवस्था गर्नुपर्ने बताउनु भयो । युवाहरुले पनि सही ठाउँमा आफ्नो लगानी र मेहनत गर्नुपर्ने बताउनु भयो ।
उहाँले युवाको लागि सहज वित्तीय पहुँच, सहुलियतपूर्ण कर्जा, कम्पनी दर्ता प्रक्रिया, कर प्रणाली, सरकारको नीति तथा कार्यक्रम, उत्पादनमुलक क्षेत्रको सहभागिता, सरकारको सहभागिता, प्रदेश सरकार र स्थानीय सरकारले गरेको युवा उद्यमको नवप्रवर्तनीय कामहरुको बारेमा सम्मेलन सफल हुने विश्वास व्यक्त गर्नुभयो ।
आयातले धान्दै आएको देशको अर्थतन्त्रलाई उद्यमशिलता प्रवद्र्धन गरी निर्यातमुलक बनाउन यस्ता कार्यक्रमहरु निकै फलदायी हुने बताउनु भयो ।
युवा उद्यमीहरुलाई प्रेरणा जगाइ नयाँ उद्यम शुरु गर्न अवसर मिल्ने बताउनु भयो ।
मन्त्री चौधरीले भन्नुभयो, ‘युवाको लागि सहज वित्तीय पहुँच, सहुलियतपूर्ण कर्जा, कम्पनी दर्ता प्रक्रिया, कर प्रणाली, सरकारको नीति तथा कार्यक्रम, उत्पादनमुलक क्षेत्रको सहभागिता, सरकारको सहभागिता, प्रदेश सरकार र स्थानीय सरकारले गरेको युवा उद्यमको नवप्रवर्तनीय कामहरुको बारेमा यस सम्मेलनमा विशेष छलफल र अन्तरक्रिया हुने नै छ । आयातले धान्दै आएको देशको अर्थतन्त्रलाई उद्यमशिलता प्रवद्र्धन गरी निर्यातमुलक बनाउन यस्ता कार्यक्रमहरु निकै फलदायी हुनेछ । युवा उद्यमीहरुलाई प्रेरणा जगाइ नयाँ उद्यम शुरु गर्न अवसर दिन्छ । नेपाली उत्पादन र सोचलाई तीन तहकै सरकारबाट प्राथमिकता दिनुपर्छ । सरकारले उद्यम प्रवद्र्धनका लागि ल्याएको ब्याज अनुदान कार्यविधिको उचित कार्यान्वयन हुनुपर्दछ । स्टार्टअपको लागि परियोजना धितो राखेर कर्जा दिने व्यवस्था गर्नुपर्छ । युवाहरुलाई सर्वसुलभ र झन्झटरहित तरिकाले सम्पूर्ण कर्जा दिने व्यवस्था गर्नुपर्छ । युवाहरुले पनि सही ठाउँमा आफ्नो लगानी र मेहनत गर्नुपर्छ ।’
मन्त्री चौधरीले युवाका लागि अबको निकास उद्यमशिलता, रोजगारी र सीप विकास भएको बताउनु भयो ।
