पोखरा । हमासले बुधवार मध्यस्थकर्ताहरूले राखेका गाजा युद्धविराम प्रस्तावहरूमा छलफल गर्न परामर्श गरिरहेको बताएको छ ।
प्यालेस्टिनी लडाकू समूहले इजरायली आक्रमणको अन्त्य, इजरायली सेनाको फिर्ता र गाजा पट्टीमा तत्काल मानवीय राहतको वितरण सुनिश्चित गर्ने सम्झौतामा पुग्न मध्यस्थकर्ताहरूको प्रश्तावहरूमा परामर्श गरिरहेको बताएको हो ।
मध्यस्थकर्ताहरूले पक्षहरू बीचको खाडल कम गर्न, रूपरेखा सम्झौतामा पुग्न र गम्भीर वार्ताको नयाँ चरण शुरु गर्न गहन प्रयास गरिरहेका छन् ।
हमास र इजरायलले विगतका महिनाहरूमा धेरै चरणका अप्रत्यक्ष वार्ताहरू गरिसकेका छन् । तर कुनै अन्तिम युद्धविराम सम्झौता भएको छैन । अघिल्ला वार्ताहरूमा, हमासले युद्धको पूर्ण अन्त्यको माग गरेको थियो । जबकि इजरायलले अस्थायी युद्धविराममा जोड दिएको थियो ।
इजरायलले मार्च १८ मा गाजामा आफ्नो सैन्य अभियान पुनः शुरु गरेको थियो । दुई महिनाको युद्धविराम समाप्त भयो। त्यसबेलादेखि, गाजाका स्वास्थ्य अधिकारीहरूले बुधवार जारी गरेको तथ्याङ्कअनुसार कम्तिमा ६ हजार ४ सय ५४ प्यालेस्टिनीहरू मारिएका छन् ।
२२ हजार ५ सय ५१ जना घाइते भएका छन् । अक्टोबर २०२३ मा शुरु भएको द्वन्द्वपछि कुल प्यालेस्टिनीहरूको मृत्युको संख्या ५७ हजार १२ पुगेको छ । जसमा १ लाख ३४ हजार ५ सय ९२ जना घाइते भएका छन् ।
