पोखरा । नेपाली कांग्रेस गण्डकी प्रदेश कार्यसमितिको आयोजनामा ‘वर्तमान अवस्था र नेपाली कांग्रेसको जिम्मेवारी’ विषयक अन्तरक्रिया कार्यक्रम पोखरा हुने भएका छन् ।
कार्यक्रम यही असार २८ गते शनिबार बिहान ११ बने सिर्जनाचोकस्थित ह्वाइटहाउस पार्टी प्यालेसमा हुने पार्टी प्रवक्ता माधवप्रसाद बास्तोला ‘मधु’ ले जानकारी दिए । कार्यक्रमको सबै तयारी पूरा भएको उनले बताए ।
कार्यक्रममा प्रमुख वक्ताका रुपमा नेपाली कांग्रेसका पूर्वमहामन्त्री कृष्णप्रसाद सिटौला सहभागी हुँदैछन् ।
उनले मुलुक र पार्टीको वर्तमान अवस्थाबारे नेता कार्यकर्तालाई जानकारी गराउने प्रवक्ता बास्तोलाले जानकारी दिए ।
कार्यक्रमका लागि नेता सिटौला बिहीबार नै पोखरा आएका थिए । उनी शुक्रबार पर्वत पुगेका छन् ।
