पोखरा । पोखरा महानगरपालिका वडा नं १७ पावरहाउसस्थित फुस्रेखोलामा डुबेर आन बिहान एक जनाको ज्यान गएको छ । मृत्यु हुनेमा पोखरा-५ का ३० वर्षीय प्रकाश त्रिपाठी छन् ।
प्रहरीका अनुसार आज बिहान १०ः४५ बजे पौडी खेल्नेक्रममा उनी डुबेर बेपत्ता भएका थिए ।
त्रिपाठी डुबेर बेपत्ता भएको भन्ने सूचना प्राप्त गर्ने बित्तिकै उद्धारका लागि वडा प्रहरी कार्यालय बैदाम र सशस्त्री प्रहरी बल कालिका गणबाट टोली खटिएको थियो ।
उद्धार टोलीले खोलाको करिब ३० फिट गरिराईबाट तिवारीलाई मृत अवस्थामा फेला पारेको प्रहरीले जनाएको छ ।
उनको शव पोष्टमार्टमका लागि पोखरा स्वास्थ्य विज्ञान प्रतिष्ठानमा राखिएको छ । घटनाबारे अनुसन्धान भइरहेको प्रहरीले जनाएको छ ।
