पोखरा । नवलपुरमा करेन्ट लागेर एक युवकको मृत्यु भएको छ । मृत्यु हुनेमा बर्दियाको ठाकुरबाबा गाउँपालिका वडा नं २ घर भई हाल कावासोती बस्ने ३५ वर्षीय सरोज थारु छन् ।
कावासोती नगरपालिका वडा नं ३ स्थित एक सरकारी भवन निर्माण गर्ने क्रममा ड्रिल गर्दा सरोजलाई करेन्ट लागेको थियो ।
घाइते थारुको उपचारका क्रममा मध्यविन्दु प्रादेशिक अस्पताल डण्डामा मृत्यु भएको जिल्ला प्रहरी कार्यालय नवलपुरका सूचना अधिकारी प्रहरी नायब उपरीक्षक मधु नेपालले जानकारी दिए ।
घटनाबारे अनुसन्धान भइरहेको डीएसपी नेपालले बताए ।
