डडेलधुराका उपभोक्ता समिति अध्यक्षले १८ लाख भ्रष्टाचार गरेको आरोप

डडेलधुरा आलिताल गाउँपालिका–३ का कैलाश समैजेश्वर सामुदायिक वन उपभोक्ता समितिका अध्यक्ष सर्वजित मडैले उपर अख्तियार दुरुपयोग अनुसन्धान आयोगले भ्रष्टाचारको मुद्दा दायर गरेको छ । अध्यक्ष मडैले उपर १८ लाख रुपैयाँ भ्रष्टाचार गरेको आरोप लागेको अख्तियारका प्रवक्ता राजेन्द्र कुमार पौडेलले जानकारी दिनुभयो । अख्तियारले विशेष अदालत, काठमाडौंमा आरोप पत्र दायर गरिएको छ । मडैलेले उपभोक्ता समितिको चेकमा किर्ते हस्ताक्षरसमेत गरी कोषको रकम हिनामिना गरी भ्रष्टाचार गरेको अख्तियारले जानकारी दिएको छ ।