स्वास्थ्यमन्त्रीलाई प्रदीप पौडेलको आग्रहः अघिल्लो सरकारले गरेका सुधारात्मक कार्यहरूलाई निरन्तरता दिनुस्

पूर्वस्वास्थ्य तथा जनसंख्यामन्त्री एवं नेपाली काँग्रेस नेता प्रदीप पौडेलले आफूले मन्त्री हुँदा अगाडि बढाएका स्वास्थ्य क्षेत्रका सुधारात्मक कार्यहरूलाई निरन्तरता दिन आग्रह गर्नुभएको छ । वर्तमान स्वास्थ्य तथा जनसंख्या मन्त्री डा. सुधा गौतमलाई बुधवार मन्त्रालयमा भेटेर पूर्वमन्त्री पौडेलले बीमा कार्यक्रम, जनशक्ति व्यवस्थापनदेखि औषधि मूल्य निर्धारणका प्रक्रियालाई अगाडि बढाउन आग्रह गर्नुभएको हो । पौडेलले आफूले केही नयाँ कार्यक्रम शुरु गर्ने, पुराना प्रभावकारी कामलाई निरन्तरता दिने र संरचनात्मक सुधारहरु अघि बढाउने प्रयास गरेको बताउनु भयो ।