आन्तरिक राजश्व कार्यालय हटाएको विरोधमा राजविराजमा रिले अनशन

सरकारले राजविराजमा रहेको आन्तरिक राजश्व कार्यालय हटाएपछि स्थानियहरु रिले अनशनमा बसेका छन् । सरकारको निर्णयविरुद्ध स्थानिय जनप्रतिनिधि, व्यवसायी र राजनितिक दलका नेताहरुले रिले अनशन शुरु गरेका हुन् । राजविराजस्थित गजेन्द्रचोकमा शुक्रबारदेखि शुरु भएको अनशन सोमवार पनि जारी छ । ७२ हजार भन्दा बढी करदाता रहेको र १ अर्ब १० करोड रुपैयाँभन्दा बढी राजश्व संकलन हुने राजश्व कार्यालय जिल्लाबाट हटाउनु आपत्तिजनक भएको सरोकारवालाहरुको भनाई छ ।