रेवानको टोली पोखरा सडक महोत्सव निम्तो लिएर जनकपुरमा

रेष्टुरेण्ट एण्ड बार एशोसिएशन नेपाल (रेवान) २७ औं पोखरा सडक महोत्सवको निम्तो लिएर जनकपुरधाम पुगेको छ । महोत्सवको निम्तो दिन सात वटै प्रदेशमा पुग्ने रणनीतिअनुसार रेवान सोमवार मधेस प्रदेशको राजधानी जनकपुरधाम पुगेको हो । रेवानले सोमवार जनकपुरधाममा पत्रकार सम्मेलन गरी पोखरामा हुन लागेको महोत्सवको बारेमा जानकारी गराएको छ । महोत्सव पुस १३ देखि १७ गतेसम्म फेवा तालको किनार लेकसाइड क्षेत्रमा सञ्चालन हुने महोत्सवका संयोजक वसन्त गौतमले जानकारी दिनुभयो । ताल किनारको साढे ३ किलोमिटर क्षेत्रमा महोत्सव हुने उहाँको भनाई छ ।