नेपाली कांग्रेसको तर्फबाट कास्की क्षेत्र नम्बर १ का प्रतिनिधि सभा सदस्य उम्मेदवार तिलक रानाभाट मतदाता भेट्न कास्कीको मादी गाउँपालिका पुगेका छन् ।
उनले सोमबार र मंगलबार दुई दिन मादी गाउँपालिकाका विभिन्न वडामा नागरिकहरूसँग भेटघाट सँगै अन्तरक्रिया गरी सुझाव लिएका छन् ।
नेपाली कांग्रेसका केन्द्रीय सदस्य समेत रहेका उनी मादीको सिक्लेस, ताङतिङ ,सेतीखोला , घ्याम्राङ, छाचोक, तप्राङ ,खिलाङ लगायतका स्थानमा पुगेका छन् ।
भेटघाटका क्रममा उम्मेदवार रानाभाटले देशभित्र नै उपलब्ध स्रोत साधनको उचित प्रयोग गर्नुपर्नेमा जोड दिए । देशलाई आर्थिक उन्नतिको बाटोमा लैजानुपर्नेमा उनको जोड थियो।
कार्यक्रममा नेपाली कांग्रेसका केन्द्रीय सदस्य कृष्ण केसी, महासमिति सदस्य दीपक गुरुङ माइला, मादी गाउँपालिकाका नेताहरू मन्त्रीजंग गुरुङ, राजकुमार गुरुङ , बिन गुरुङ, सुरेन्द्र क्षेत्री कृष्णबहादुर सापकोटा ,रणध्वज गुरुङ, राम गुरुङ , सन्तोष गुरुङ टंकप्रसाद गुरुङ, देवीजंग गुरुङ, भोजबहादुर क्षेत्री ,सन्तोष शाही, कमल सापकोटा, मिना सापकोटा, विशाल गुरुङ, नन्द प्रसाद गुरुङ लगायतले बोलेका थिए ।
