पोखराको न्यू ग्यालेक्सी स्कूलमा विद्यार्थीहरूको सिकाइ तथा सिर्जनात्मक क्षमता प्रदर्शन गर्ने उद्देश्यले ‘सिकाइ प्रदर्शन तथा अभिभावक भेटघाट कार्यक्रम सम्पन्न भएको छ। कक्षा ३ सम्मका विद्यार्थीहरूको सहभागितामा आयोजित उक्त कार्यक्रममा विभिन्न शैक्षिक परियोजना कार्य, व्यवहारिक अभ्यास तथा सिर्जनात्मक प्रस्तुति प्रदर्शन गरिएको थियो।
कार्यक्रममा विद्यार्थीहरूले नृत्य, गीत, नाटक तथा विविध सांस्कृतिक प्रस्तुति मार्फत आफ्नो प्रतिभा प्रस्तुत गरेका थिए। विद्यालयका प्रधानाध्यापकले विद्यालयले विद्यार्थीमा सिर्जनात्मक सोच र व्यवहारिक ज्ञान विकासमा जोड दिँदै आएको जानकारी गराए।
सीमन्स ब्राण्ड लिमिटेड (सिबियुल) को सहकार्यमा सम्पन्न कार्यक्रममा विद्यार्थीहरूको सर्वाङ्गीण विकासका लागि यस्ता गतिविधि प्रभावकारी रहेको बताइएको छ। विद्यालय व्यवस्थापनले आगामी दिनमा पनि नवीन शिक्षण विधि अपनाउँदै यस्ता कार्यक्रमलाई निरन्तरता दिने जनाएको छ।
कार्यक्रममा विद्यालयका शिक्षक–शिक्षिका, अभिभावक तथा अन्य अतिथिहरूको उल्लेख्य उपस्थिति रहेको थियो। अभिभावकहरूले आफ्ना सन्तानको प्रस्तुति प्रत्यक्ष अवलोकन गर्न पाउँदा खुशी व्यक्त गरेका थिए।
38u3i8