पोखरा । पाल्पाली समाज पोखराले भोटेकोशी बाढीबाट प्रभावित पीडितका लागि १ लाख ११ हजार १११ रुपैयाँ सहयोग गर्ने निर्णय गरेको छ । शनिबार बसेको समाजको बैठकले उक्त निर्णय गरेको समाजका अध्यक्ष श्रीधर पराजुलीले बताए।
उनका अनुसार सहयोग रकम नेपाल सरकारको प्रधानमन्त्री दैवी प्रकोप उद्धार कोषमा प्रदान गरिने छ । साथै, बैठकले विनासकारी बाढीका कारण ठूलो जनधनको क्षतिप्रति दुःख व्यक्त गर्दै ज्यान गुमाउनेहरुप्रति हार्दिक श्रद्धाञ्जली व्यक्त गर्दै घाइतेको शीघ्र स्वास्थ्य लाभको कामना गरेको छ ।
समाजले सामाजिक उत्तरदायित्वस्वरुप विगतमा पनि विभिन्न क्षेत्रमा सहयोग गर्दै आएको थियो । बाढीपीडितलाई आगामी दिनमा थप सहयोग जुटाउन समाजले आफ्ना सदस्यहरुलाई आह्वान गरेको छ । भोटेकोशी बाढीमा करिब एक दर्जन पाल्पालीहरु पनि परेको खबर छ।
