[adrotate banner=”6″]
इटालीको प्रख्यात शहर भेनिसले बिहीवार एक विवादास्पद नयाँ योजना ल्याएको छ । यदी पर्यटकहरू दिनको लागि मात्र भ्रमण गर्छन् भने पाँच युरो (५.४३ अमेरिकी डलर) शुल्क तिर्नुपर्ने भएको हो । यो कदम नहर शहरको नाजुक पूर्वाधार जोगाउन मद्दत गर्ने उद्देश्यले गरिएको बताइएको छ । यो शुल्क भेनिस बाहिरबाट आउने आगन्तुकहरूलाई मात्र लगाइनेछ । उत्तरी इटालियन शहर यस्तो योजना अनावरण गर्ने देशमा पहिलो हो । केही वकालत समूहहरूले शुल्कले कम आय भएका यात्रुहरू विरुद्ध भेदभाव गर्ने र आवागमनको स्वतन्त्रतालाई प्रतिवन्धित गर्ने भन्दै बिरोध गरेका छन् । यो शुल्क अप्रिल २९ देखि जुलाई १४ सम्मका ३० शिखर यात्रा दिनहरूका लागि लिइनेछ । टिकटहरू अनलाइन खरिद गर्नुपर्छ र गैरकानूनी रूपमा शहरमा प्रवेश गरे ३ सय यूरो जरिवाना हुनसक्छ । शहरका बासिन्दाहरू, १४ वर्ष मुनिका बालबालिका, विद्यार्थी, भेनिसका होटलहरूमा बस्ने आगन्तुकहरू वा खेलकुद वा कामसँग सम्बन्धित कार्यक्रमहरूमा आउने मानिसहरूलाई शुल्क लाग्नेछैन । बेलुका ४ बजेपछि शहरमा आउनेलाई पनि यो लागू हुने छैन । शहरले टुर ग्रुपका लागि लाउडस्पीकरको प्रयोगमा पनि प्रतिवन्ध लगाएको छ । भेनिस संयुक्त राष्ट्र शैक्षिक, वैज्ञानिक र सांस्कृतिक संगठनको एक विश्व सम्पदा स्थल हो । युरोपमा सबैभन्दा धेरै भ्रमण गरिएका शहरहरू मध्ये एक हो ।
[adrotate banner =”3″]
[adrotate banner =”5″]
[adrotate banner =”4″]
