गण्डकी प्रदेश स्वास्थ्य निर्देशनालयको आयोजना र ए.एच.एफ. नेपालको सहयोगमा “ विकेन्द्रीकृत बजेट बिनियोजन र एचआइभी एड्स कार्यक्रमको सामाग्री खरिद संयन्त्र” विषयमा कार्यशाला गोष्ठी कार्यक्रम सम्पन्न भएको छ ।
उक्त गोष्ठीमा प्रमुख अतिथि स्वास्थ्य तथा जनसंख्या मन्त्रालयका स्वास्थ्य सचिव डा. रोशन पोखरेलले दीप प्रज्वलन गरि कार्यक्रमको उद्घाटन गर्नुभयो ।
ए.एच.एफ. नेपालका कन्ट्री प्रोग्राम म्यानेजर दिव्य राज जोशीले अहिलेको एचआइभी को अवस्थाको बारेमा एचआइभीको उपचार, हेरचाह तथा सहयोग र यौनरोगको रोकथाम तथा नियन्त्रण कार्यक्रम ७७ वटा जिल्लाहरूमा अवस्थित बिभिन्न स्वास्थ्य संस्थाहरू मार्फत प्रदान गर्ने जानकारी दिनुभयो । थप्दै उनले ए.एच.एफ. नेपालको २०२३ को वार्षिक प्रतिवेदन को विमोचन पनि गर्नुभयो ।
उक्त गोष्ठीमा विशिष्ट अतिथि सामाजिक विकास तथा स्वास्थ्य मन्त्रालयका सचिव डा. विनोद विन्दु शर्माले विगतमा जस्तै आगामी कार्यक्रम पनि सर्वसाधारणहरूलाई सुसूचित गर्दै स्वास्थ्यसम्बन्धी जनचेतना जगाउन फलदायी हुने विश्वास व्यक्त गर्नुभयो ।
साथै गण्डकी कार्यक्रम संयोजक विद्या कोइरालाले ए.एच.एफ. नेपालले गर्ने कार्यहरूको बारेमा बारेमा विश्लेषण गर्नुभयो ।
कार्यक्रम लेकसाइड होटल निवासमा प्रदेश स्वास्थ्य निर्देशकको सभापतित्व मा सम्पन्न भएको हो ।
