[adrotate banner =”6″]
पोखरा,
पोखरा महानगरपालिका ३३ बरपाण्डेथुम स्थित शान्ति उदय उच्च माविको कार्यालय, कक्षाकोठा तोडफोड गरी ल्यापटप लगायत विभिन्न सामान चोरी गरेको आरोपमा प्रहरीले ४ बालकलाई पक्राउ गरेको हो ।
विद्यालयको कक्षाकोठा, कार्यालय तोडफोड गरेर ल्यापटप, इलेक्ट्रोनिक डिभाइसहरू चोरी गरेको आरोपमा प्रहरीले शनिबार ४ बालकलाई पक्राउ गरेको छ ।
पोखरा ३३ बरपाण्डेथुम स्थित शान्ति उदय उच्च माविको कार्यालय, कक्षाकोठा तथा कम्प्युटर ल्याब शाखाको ढोका फोरी चोरी भएका विभिन्न कम्पनीका १० थान ल्यापटप, ७ थान चार्जर, ५ थान माउस सहित इलाका प्रहरी कार्यालय शिसुवा बाट खटिएको प्रहरीले टोलीले बालकहरूलाई पक्राउ गरेको जिल्ला प्रहरी कार्यालय कास्कीका डीएसपी बसन्त कुमार शर्माले जानकारी दिएका हुन् ।
उनका अनुसार बालकहरूले विद्यालयको ल्यापटप, कम्प्युटर, सिसि क्यामेरा, सिसिटिभी मनीटर्, लाइट, प्रोजेक्टर, साउण्ड स्पीकर कन्ट्रोलर, स्टेसनरी कागजातमा समेत क्षति पुर्याएको बताएका छन् । विद्यालय तोडफोड गरी ल्यापटप लगायतका सामान चोरी गरेको आरोपमा पक्राउ परेका चारै जना बालक रहेको जिल्ला प्रहरी कार्यालय कास्कीले जनाएको हो ।
पक्राउ परेका उनीहरूलाई जिल्ला अदालत कास्कीबाट चोरी तथा डाँका सम्बन्धी मुद्दामा ५ दिनको म्याद थप गरी अनुसन्धान अगाडि बढाएको कास्की प्रहरीले जनाएको छ ।
[adrotate banner =”3″]
[adrotate banner =”4″]
[adrotate banner =”5″]
