[adrotate banner= “3”]
संयुक्त राष्ट्रसंघको अन्तर्राष्ट्रिय बाल आपतकालीन कोष (युनिसेफ) ले जारी गरेको प्रतिवेदनमा ५ देखि १७ वर्षसम्मका २४ प्रतिशतभन्दा बढी अफगान बालबालिकाले युद्धग्रस्त देशमा चिन्ताको अनुभव गरेका छन् । अफगानिस्तानका बालबालिकाहरूले गम्भीर मानसिक स्वास्थ्य चिन्ताको सामना गरिरहेको प्रतिवेदनमा उल्लेख छ । ५—१७ वर्ष बीचका २४ प्रतिशत भन्दा बढी बालबालिकाहरू चिन्ताको अनुभव गरिरहेको र यो दर विश्वव्यापी औसत भन्दा १० गुणा बढी भएको बताइएको छ । प्रतिवेदनका अनुसार अफगानिस्तानका करिव १५ प्रतिशत बालबालिका डिप्रेसनको अनुभव गर्छन् । द्वन्द्व, बसाईंसराई, विस्थापन, प्राकृतिक प्रकोप, गरिबीको उच्च स्तर र विस्फोटकबाट हुने हानीको जोखिमले अफगान बालबालिकाहरूमा मानसिक स्वास्थ्य चुनौतीहरू बढाएको छ । बालबालिकामा हुने मानसिक स्वास्थ्य चिन्ता हटाउने उद्देश्यले युनिसेफले देशभर ७५० भन्दा बढी सक्रिय बालमैत्री स्थानहरू सञ्चालन गरेको स्रोतको निष्कर्ष छ ।
[adrotate banner= “4”]
[adrotate banner= “5”]
[adrotate banner= “6”]
