[adrotate banner= “4”]
खानेपानीमन्त्री प्रदीप यादवले खानेपानी मन्त्रालयलाई खानेपानी तथा सरसफाई मन्त्रालय बनाउन पहल अघि बढाएको बताउनुभएको छ ।
मंगलवार काठमाडौंमा खानेपानी तथा ढल व्यवस्थापन विभागको ५३ औं स्थापना दिवसको अवसरमा आयोजित कार्यक्रमलाई सम्बोधन गर्दै उहाँले यस्तो बताउनुभएको हो । उहाँले आफूले मन्त्रालयका सचिवलाई खानेपानी मन्त्रालयबाट छिनिएको सरसफाईको अधिकार फिर्ता गर्नेगरी सो प्रश्ताव अघि बढाउन निर्देशन दिएको पनि बताउनु भयो । उहाँले आफ्नो पहिलो जिम्मेवारी मन्त्रालयलाई मजबुत बनाउनु रहेको र सोहीअनुसार अघि बढिरहेको बताउनु भयो । उहाँले खानेपानी तथा सरसफाई मन्त्रालय बनेपछि धेरै अधिकारहरु मन्त्रालयमा जोडिजे उल्लेख गर्नुभयो । खानेपानी मन्त्रालयलाई खानेपानी तथा सरसफाई मन्त्रालय नबनाएसम्म आफूले चाहेअनुसार गतिमा काम गर्न नसकिने पनि स्पष्ट पार्नुभयो ।
उहाँले भन्नुभयो, ‘सबैभन्दा पहिला मेरो दायित्व, मेरो फर्ज, मेरो धर्म, मन्त्रीको जिम्मेवारी पाएको हुनाले यो मन्त्रालयलाई मजबुत गराउनु नै हो । मेरो अबको कदम तथा सरसफाईलाई कसरी ल्याउने ? यानकी खानेपानी मन्त्रालयलाई खानेपानी तथा सरसफाई मन्त्रालयलाई कसरी बनाउने ? त्यसमा म लागिपरेको छु । त्यसमा अघि बढेको छु । त्यो आयो भने त्यसको धेरे शक्तिहरु यसमा आउँछ । त्यो तपाईंहरु सम्झिनुहुन्छ । जुन शक्ति बाहिर गएको छ, त्यो शक्तिलाई कसरी फर्काउने भन्नेमा म लागिरहेको छु । हाम्रो मन्त्रालयबाट छिनिएको शक्तिलाई कसरी शक्तिमान गराउने, हाम्रो मन्त्रालयबाट छिनिएको कुरा कसरी ल्याउने भन्नेमा म लागेको छु । त्यो फिर्ता नल्याएदेखि हामीले चाहेअनुसार मन्त्रालय चलाउन हामी सक्दैनौँ । मन्त्रालयमा मन्त्रीहरु आउनै मान्दैनन् । खानपानी मन्त्रालयको जिम्मेवारी पाएपछि पहिल्यै नाक खुम्च्याउँछन् । तर म रमाइरहेको छु ।’
मन्त्री यादवले राम्रो गर्नसक्नेको मात्रै नाम हुने भन्दै सबै मिलेर मन्त्रालयलाई मजबुत बनाउनुपर्ने बताउनु भयो ।
[adrotate banner= “5”]
[adrotate banner= “3”]
[adrotate banner= “6”]
