[adrotate banner= “3”]
पोखरा एभेन्जर्सलाई सात विकेटले हराउँदै जनकपुर बोल्ट्सले सिद्धार्थ बैक नेपाल प्रिमियर लिग एनपिएलमा लगातार तेस्रो जित हात पारेको छ । पोखराको भने यो लगातार दोस्रो हार हो । जितको लागि १३९ रनको लक्ष्य पछ्याएको जनकपुरले १७ ओभर १ बलमा ३ विकेटको नोक्शानीमा लक्ष्य पूरा ग¥यो । ओपनर अनिल साह १ रनमा विपिन खत्रीको बलमा एलबिडब्लु धरापमा परे । यतिखेर जनकपुरले मात्र १० रन बनाएको थियो । यसपछि आशिफ शेख र लाहिरू मिलान्थाले दोस्रो विकेटको लागि ७२ रनको साझेदारी गरे । लाहिरू मालिन्था ४५ रन जोड्दै आउट हुँदा अर्धशतकबाट ५ रनले चुके । उनले ३२ बलको सामना गर्दै ८ चौका प्रहार गरे । तेस्रो विकेटको रूपमा आसिफ शेख ३३ रन जोडेर कुशल भुर्तेलको बलमा विपिन खत्रीद्वारा क्याच आउट भए । यसपछि जेम्स निसमले विस्फोटक ब्याटिङ गर्दै जनकपुरलाई सहज जित दिलाए । उनले १६ औं ओभरमा मार्कस क्रिच्लेको बलमा तीन छक्का प्रहार गर्दै सो ओभरमा जनकपुरले २० रन बनायो । यसपछि १८ औं ओभरको पहिलो बलमा छक्का प्रहार गर्दै जनकपुरलाई सात विकेटको जित दिलाए । उनले २० बलमा ५ छक्कासहित अविजित ४० रनको उत्कृष्ट पारी खेले ।
यसअघि पहिले ब्याटिङ गरेको पोखरा एभेन्जर्सले २० ओभरमा ७ विकेट गुमाउँदै १३८ रन मात्र बनायो। पोखराका कुनैपनि खेलाडीहरूले ठूलो रन जोड्न सकेनन् । उसको लागि मार्कस क्रिच्लेले सर्वाधिक ३५रन बनाए । माइकल लिस्कले २५ र एन्ड्रीज गाउसले २० रन जोडे। कप्तान कुशल भुर्तेल आज पनि क्रिजमा टिक्न सकेनन। उनले मात्र ६ रन बनाए । बलिङमा ललित राजवंशीले ४ ओभर बलिङ गर्दै ३१ रन खर्चेर ३ विकेट लिए । जारी प्रतियोगितामा उनको यो सातौं विकेट हो। जेम्स निशमले २ विकेट झारे ।
लगातारको तेस्रो जितमा जनकपुरले ६ अंक बनाएको छ । जनकपुरले यसअघि बिराटनगर किंग्स र कर्णाली याक्सलाई समान ८ विकेटले हराएको थियो । दोस्रो खेलमा पनि अंकको खाता खोल्न सकेको छैन । पोखरा पहिलो खेलमा चितवन राइनोजसँग ८७ रनले पराजित भएको थियो ।
[adrotate banner= “4”]
[adrotate banner= “5”]
[adrotate banner= “6”]
