पोखरा । काठमाडौंबाट जनकपुर जाँदै गरेका माइक्रो बिहीबार साँझ सिन्धुलीमा दुर्घटना हुँदा एक जनाको ज्यान गएको छ ।
मृत्यु हुनेमा धनुषाको जनकपुर उपमहानगरपालिका वडा नं १० का ५० वर्षीय निर्मल गुप्ता छन् । दुर्घटनामा गम्भीर घाइते भएका निर्मलको धुलिखेल अस्पतालमा उपचारको क्रममा मृत्यु भएको हो ।
दुर्घटनामा १२ जना घाइते भएका छन् । घाइतेमध्ये छ जनालाई थप उपचारका लागि बिहीबार नै काठमाडौँ लगिएको प्रहरीले जनाएको छ । बाँकी छ जनाको सुनकोशी सामुदायिक अस्पतालमा उपचार भइरहेको छ ।
सिन्धुलीको सुनकोशी गाउँपालिका वडा नं ७ कानढुंग्रीस्थित बीपी राजमार्ग सडकखण्डमा बा३ख ८४४५ नम्बरको माइक्रो टायर अचानक पन्चर भएपछि अनियन्त्रित भइ दुर्घटना भएको थियो ।
दुर्घटनाबारे थप अनुसन्धान भइरहेको प्रहरीले जनाएको छ ।
