गोरखा । गोरखामा स्कुटर दुर्घटना हुँदा एक जनाको घटनास्थलमै ज्यान गएको छ । मृत्यु हुनेमा स्कुटर चालक अजिरकोट गाउँपालिका वडा नं ३ हङ्सपुरका २४ वर्षीय सुरेश गुरूङ छन् ।
दुर्घटनाग्रस्त स्कुटर र शव फेला परेपछि घटनाको अनुसन्धान गर्दा गुरूङ आफैले चलाएको स्कुटर दुर्घटनामा परेको खुलेको हो ।
गोरखाको पालुङटार नगरपालिका वडा नं ५ लामागाउँस्थित हवाईग्राउण्ड नजिकै गुरूङ चलाएको बा८२प २१९९ नम्बरको स्कुटर दुर्घटना भएको जिल्ला प्रहरी कार्यालय गोरखाका सूचना अधिकारी एवं प्रहरी निरीक्षक धुव्रप्रसाद शर्माले जानकारी दिए ।
तीव्रगतिमा लामागाउँबाट हवाई ग्राउण्डतर्फ जाँदै गरेको स्कुटर सडक किनारमा पल्टिएर दुर्घटनामा परेको उनको भनाइ छ ।
घटनाको थप अनुसन्धान भइरहेको प्रहरीले जनाएको छ ।
