पोखरा । हाल देशमा पश्चिमी वायुको सामान्य प्रभाव रहेको छ । जसको प्रभावले कोशी, बागमती र कर्णाली प्रदेशको पहाडी भूभागमा आंशिक बदली तथा बाँकी भूभागमा मौसम मुख्यतया सफा रहेको छ । तराईका धेरै स्थानमा हुस्सु तथा कुहिरो लागेको मौसम पूर्वानुमान महाशाखाले जनाएको छ ।
आज दिउँसो गण्डकीसहित कोशी, बागमती र लुम्बिनी प्रदेशमा आंशिक बदली रहने सम्भावना छ । मधेस, कर्णाली र सुदूरपश्चिम प्रदेशको मौसम मुख्यतया सफा रहने छ ।
पोखरामा शनिबारदेखि मौसम बिग्रिएको मौसममा सुधार हुन सकेको छैन। आज बिहान पनि मौसम धुमिल नै छ ।
पोखरामा शनिबारदेखि बढी चिसो महसुस भएको छ । पोखरामा आज बिहान ७ बजेको तापक्रम ८ डिग्री सेल्सियस छ । आज न्यूनतम् तापक्रम ७ र अधिकतम् १७ डिग्री सेल्सियस पुग्ने अनुमान गरिएको छ । पोखराको सापेक्षित आद्रता ८८ प्रतिशत रहने बताइएको छ ।
साथै बिहानको समयमा देशका तराई तथा उपत्यकाका धेरै स्थानमा हुस्सु तथा कुहिरोको सम्भावना रहेकोले दैनिक जनजीवन, कृषि, स्वास्थ्य,यातायात तथा हवाई उडानमा असर पर्न सक्ने हुनाले आवश्यक सतर्कता अपनाउन महाशाखाले अनुरोध गरेको छ ।
