पोखरा । स्याङ्जामा गएराति सवारी दुर्घटना हुँदा एक युवकको ज्यान गएको छ । मृत्यु हुनेमा वालिङ नगरपालिका वडा नं ९ क्याम्पस रोडका १६ वर्षीय सुशील गुरुङ छन् ।
दुर्घटनामा गम्भीर घाइते भएका उनको प्राथमिक स्वास्थ्य केन्द्र वालिङमा उपचारको क्रममा आइतबार राति नै मृत्यु भएको स्याङ्जा प्रहरी सूचना अधिकारी डीएसपी हरिप्रसाद पौडेलले जानकारी दिए ।
गएराति १०ः१५ बजे वालिङ नगरपालिका वडा नं ८ डुम्रीकोटस्थित सिद्धार्थ राजमार्गमा वालिङबाट भकुण्डेतर्फ जाँदै गरेको ग१ख ९४७२ नम्बरको ट्रकलाई लु६-प ८०७६ नम्बरको मोटरसाइकलले ओभरटेक गर्नेक्रममा दुर्घटना भएको प्रहरीले जनाएको छ ।
मृतक गुरुङ मोटरसाइकलको पछाडि सवार थिए । ट्रक चालक पर्वत कुश्मा-१२ का ३९ वर्षीय दिवाकर लामिछाने र मोटरसाइकल चालक वालिङ-८ का १७ वर्षीय हेमन्त रानालाई नियन्त्रणमा लिएर अनुसन्धान गरिरहेको डीएसपी पौडेलले जानकारी दिए ।
