पोखरा । नेपाल समाजवादी पार्टी (नयाँ शक्ति) को अध्यक्षमा डा बाबुराम भट्टराई विजयी भएका छन् ।
पार्टीको नयाँ नेतृत्व चयनका लागि बुधबार मतदान भएको थियो । जसमा नेत्र चपाईंलाई पराजित गर्दै भट्टराई अध्यक्ष पदमा विजयी भएका हुन् । निर्वाचनको औपचारिक घोषणा साँझ ५ बजेको हुने बताइएको छ ।
सोही अवसरमा महाधिवेशनबाट नवनिर्वाचित पदाधिकारी र सदस्यको शपथ ग्रहणसमेत हुने र अध्यक्ष भट्टराईले विशेष सम्बोधन गर्ने कार्यक्रम छ ।
महाधिवेशनमा अध्यक्ष भट्टराईले पेस गरेको राजनीति तथा सांगठनिक प्रतिवेदन अनुमोदन भएको थियो ।
