पाेखरा। सिन्धुपाल्चोकको भैरवकुण्ड आसपास केन्द्रबिन्दु बनाएर आज बिहानै गएको भूकम्पपछि निरन्तर पराकम्पन आएको छ ।
आज बिहान २ बजेर ५१ मिनेटमा ६दशमलव१ रेक्टर स्केलको भूकम्प गएको हाे ।
खानी तथा भूगर्भ विभाग मातहतको राष्ट्रिय भूकम्प मापन तथा अनुसन्धान केन्द्रका अनुसार त्यसयता निरन्तर पराकम्पन आएको बताइएकाे छ ।
आज बिहान ७:३० बजेसम्म करिब चार घण्टाको अवधिमा २४ वटा पराकम्पन आएका थिए । पराकम्पन साना भएकाले वेबसाइटमा उल्लेख नगरिएको केन्द्रले जनाएकाे छ ।
केन्द्रका अनुसार २दशमलव३ रेक्टर स्केलदेखि ३दशमलव८ रेक्टर स्केलसम्मका २४ पराकम्पन आएका हुन् ।
साना साना पराकम्पन नियमित आउने भए पनि ७:३० बजेपछि बिहान ९ः१५ बजेसम्म भने साना पराकम्पन एउटा पनि नआएको भूकम्पविद् भरत कोइरालाले बताए ।
