पोखरा । तेस्रो बेगनास कपको उपाधिका लागि विनोद मेमोरियल र मिक्की एफसी भिड्ने भएका छन ।
बुधबार सम्पन्न पहिलो सेमिफाइनलको खेलमा विनोद मेमोरियलले मत्स्य व्यवसायी समिति पिप्लेलाई १-० को अन्तरलाई पराजित गर्दै फाइनलको यात्रा तय गरेको हो ।
बुधबार नै सम्पन्न दोस्रो सेमिफाइनलमा मिक्की एफसीले एनके क्लवलाई २-० को अन्तरले पराजित गर्दै फाइनलमा विनोद मेमोरियलसँगको भेट पक्का गरेको छ ।
प्रतियोगिताको उपाधिका लागि फाइनल खेल बिहिबार दिउँसो १ बजे हुनेछ ।
समापन समारोहमा राष्ट्रि फुटवल टिमका कप्तान किरण चेमजोङसमेत सहभागी हुने आयोजकले जनाएको छ।
प्रतियोगिता विजेताले एक लाख २५ हजार पाँच सय ५५ रुपैयाँ, उपविजेताले ५५ हजार पाँच सय ५५ रुपैयाँसहित ट्रफी, मेडल र प्रमाणपत्र हात पार्नेछ ।
प्रतियोगितामा अनुशासित टिमले आट हजार प्राप्त गर्नेछ भने उत्कृष्ट खेलाडी, उच्च गोलकर्ता र उत्कृष्ट गोल रक्षकले जनही पाँच पाँच हजार प्राप्त गर्नेछन् ।
