पोखरा । पोखरा महानगरपालिका वडा नं ९ नयाँबजारस्थित नीति एकेडेमीमा फागुपूर्णिमा पर्व मनाइएको छ ।
एकेडेमीको कार्यालय परिसरमै एकेडेमीका विद्यार्थी र शिक्षकबीच फागुपूर्णिमा मनाइएको छ ।
एकेडेमीका अध्यक्ष माधव पोखरेलले शिक्षक र विद्यार्थीलाई फागु लगाइदिएर कार्यक्रम शुरु भएको थियो । त्यसपछि शिक्षक र विद्यार्थीले एकापसमा फागु दलेर होली मनाएका हुन् ।
एकेडेमीका अध्यक्ष फागुपूर्णिमाले आत्मीयता बढाउन महत्वपूर्ण भूमिका खेलेको बताए । उनले हाम्रो संस्कार र संस्कृति संरक्षणमा सबैले ध्यान दिनुपर्ने बताए ।
रमाइलो पर्व फागुपूर्णिमा आज पहाड तथा हिमाली क्षेत्रमा मनाइएको छ भने शुक्रबार तराई मधेशमा मनाइँदैछ ।
नीति एकेडेमीले ग्राफिक डिजाइन, वेव डिजाइनिङ, डिजिटल मार्केटिङ, वेसिक तथा डिप्लोमा कम्प्युटर ट्रेनिङ, सफ्टवेयर डेभलपमेन्ट र आरजे एवं भीजे ट्रेनिङ गर्दै आएको छ । हालसम्म नीति एकेडेमीले करिब पाँच सय विद्यार्थीलाई शिक्षा प्रदान गरी रोजगार दिन सफल भएको छ ।
