राजावादी प्रदर्शनका क्रममा काठमाडौंको तीनकुनेमा पत्रकार सुरेश रजकलाई जलाएर हत्या गरिएको र प्रेस स्वतन्त्रता हननका सम्बन्धमा नेपाल पत्रकार महासंघले सम्पादकहरुसंग छलफल गरेको छ ।
सोमवार नेपाल पत्रकार महासंघको केन्द्रिय कार्यालयमा भएको छलफलमा सम्पादकहरुले दिवंगत रजकलाई न्याय दिन महासंघले नेतृत्व लिनुपर्ने बताएका छन् । घट्नाको सत्यतथ्य छानविन गरी संलग्नलाई कानूनअनुसार कारबाही गर्न महासंघले दबाब दिनुपर्ने उनीहरुको भनाइ छ । छलफल अनलाइनखबर डटकमका सम्पादक वसन्त बस्नेतले राजावादीहरुको आन्दोलन लोकतान्त्रिक र शान्तीपूर्ण ढंगले गरिएको आन्दोलन नभएको बताउनु भयो । उहाँले मुलुकको व्यवस्थाको साँचो सुम्पिनको लागि अगाडि सारिएका पात्रहरुमा कुनै इमान्दारिता नभएको कारण प्रदर्शन हिंस्रक भएको बताउनु भयो । उहाँले आन्दोलनको नेतृत्वलाई लक्षित गर्दै गुणस्तरहिन सामान ल्याएर घर बनाउने खोजे जस्तो भएको टिप्पणी गर्नुभयो । उहाँले दुर्गा प्रसाईंको बल्खु आन्दोलनबाट नै तीनकुनेमा शान्तीपूर्ण आन्दोलन नहुने अनुमान गरिएपनि राज्य संयन्त्र चुकेको बताउनु भयो । उहाँले अगामी दिनमा हुने आन्दोलनहरुमा पत्रकारहरुको सुरक्षाको सुनिश्चितता गर्न समेत आग्रह गर्नुभयो । पछिल्लो समय समाचार संकलनमा जाने पत्रकारहरुमाथि असुरक्षा बढ्दै गएको उल्लेख गर्दै उहाँले महासंघ गम्भिर हुन जरुरी रहेको बताउनु भयो ।
उहाँले भन्नुभयो, ‘त्यो अन्दोलन कुनै शान्तीपूर्ण रुपमा लोकतान्त्रिक माग राखेर गरिएको आन्दोलन थिएन । नैतिक रुपमा च्युत भएको नेतृत्वलाई जिम्मा लगाएर राजतन्त्र अथवा गणतन्त्र जे भनेपनि अन्ततः नेपालको नेतृत्वको साँचो सुम्पिने कुरा हो नि । व्यवस्थाको साँचो सुम्पिनको लागि अगाडि सारिएका पात्रको त एउटा इमानदारिता हुनुप¥यो । संवैधानिक वा असंवैधानिक माग राखेपनि नेतृत्वमा एउटा आदर्श र इमानदारीताको खोजी हुने गर्छ । तर यो त असाध्यै गुणस्तरहिन सामान ल्याएर घर बनाउने खोजे जस्तो भयो । उनीहरुको बल्खु आन्दोलनबाटै यो आन्दोलन शान्तीपूर्ण हुदैन भन्ने थियो । यसमा राज्य चुकेको छ । राज्य चुकेको कारण हामी दुःखद् परिणाम समेत भोगिसकेका छौं । अब पनि विभिन्न प्रोटेस्ट हुनेवाला छन् । त्यसकारण नेपाल पत्रकार महासंघले नेतृत्व गरोस् । हामी साथ दिन तयार छौं । अहिले पत्रकारहरुमाथि नै ह्यारेसमेन्ट भइरहेको छ । रिपोर्टिङ गर्न जाँदा हुने जटिलतामा पनि महासंघले विचार गरिदियोस् ।
कान्तिपुर पब्लिकेशनका उपसम्पादक जनकराज सापकोटाले सुरेश रजक मृत्यु प्रकरणलाई अपराधको रुपमा व्याख्या गर्दै न्यायिक माध्यमबाट न्यायका लागि पहल गर्न आग्रह गर्नुभयो । उहाँले अगामी दिनमा हुने आन्दोलनहरुको रिपोर्टिङको लागि सेफ्टी टे«निङको व्यवस्था गर्न समेत माग गर्नुभयो ।
उहाँले भन्नुभयो, ‘नेपाल पत्रकार महासंघले अभिभावकत्व लिएर सेफ्टी टे«निङको व्यवस्था गर्नुपर्छ । सुरेश रजकको घटनामा चाँही क्रिमिनल प्रोसिडिङ नै हो भन्ने हाम्रो माग हुनुपर्छ । महासंघले चाहीँ त्यसको छानविन गरेर क्षतिपुर्ति मात्रै माग गर्ने होइन कि त्यो क्राइम नै हो र त्यसको सत्यतथ्य छानविन गरेर दोषिलाई न्यायिक प्रोसेसबाट क्रिमिनलाइज गर्नुपर्छ भन्ने माग उठाउनुपर्छ जस्तो लाग्छ । अर्को कुरा एभिन्युज टेलिभिजनका हाकिमलाई पनि जवाफदेही बनाउनुप¥यो । उहाँ आफैंले त्यो आन्दोलनमा सहभागि हुन आह्वान गरेको पत्र नै देखिरहेका छौं नि । कि त त्यो गलत भयो भन्न सक्नुप¥यो । उहाँकै समर्थनमा भएको प्रदर्शनमा उहाँकै संस्थामा काम गर्ने व्यक्तिको मृत्यु भइरहेको छ भनेदेखि समाचार संस्था चलाउने मान्छेले सार्वजनिक रुपमा त्यस्तो आह्वान गर्न हुन्थ्यो कि हुँदैन्थ्यो ?
नेपाल पत्रकार महासंघका महासचिव रामप्रसाद दाहालले सुरेश रजकको न्यायको लागि आवश्यक पहल भइरहेको बताउनु भयो । आइन्दा प्रदर्शनहरुमा समाचार संकलनका लागि पत्रकार पठाउँदा सजग रहनुपर्ने बताउनु भयो ।
उहाँले सम्पादकहरुको सुझाव र सल्लाका आधारमा महासंघ अघि बढ्ने विश्वास दिलाउनु भयो ।
