उपप्रधानमन्त्री एवं अर्थमन्त्री विष्णुप्रसाद पौडेलले संघ सरकार संघीय महत्वका आयोजना र कार्यक्रममा केन्द्रित हुनुपर्नेमा गम्भीर रहेको बताउनुभएको छ ।
आगामी आर्थिक वर्षको बजेट निर्माण सम्बन्धमा अर्थ समितिमा भएको छलफलका क्रममा सांसदहरुले उठाएका प्रश्नको जवाफ दिँदै उहाँले यस्तो बताउनुभएको हो । उहाँले सांसदहरुले संघले संघीय महत्वका आयोजना र कार्यक्रममा केन्द्रित हुनुपर्छ भन्नेकुरामा जोड दिनुभएको र त्यसमा सरकार गम्भीर रहेको बताउनु भयो । उहाँले तीन तहको सरकारको प्रवन्ध गरिएको र तीन तहको सरकारको अधिकारको सूचि र त्यसमा साझा सूचिहरु पनि निर्धारण गरिएको उल्लेख गर्दै संस्थागत गरिएको प्रवन्ध अनुशरण गर्न केही कठिन भएको बताउनु भयो । उहाँले संविधानअनुरुप अभ्यस्त हुन केही समय लागेको भएपनि अब समय नलाग्ने बताउनु भयो ।
उपप्रधानमन्त्री पौडेलले भन्नुभयो, ‘अफ्ठ्यारो कहाँनेर परेको छ भने हामीले संविधानमा एउटा प्रवन्ध ग¥यौँ । तीन तहको सरकारको प्रवन्ध ग¥यौँ । तीन तहको सरकारको अधिकारको सूचि र त्यसमा साझा सूचिहरु पनि निर्धारण ग¥यौँ । पालिका, प्रदेश र संघले के गर्ने ? भन्ने हामीले संस्थागत गरेका छौँ । संस्थागत गरिएको प्रवन्ध अनुशरण गर्न हामीलाई अलिकति उकालो उकालो भइरहेको छ । अहिलेसम्मको अनुभवले त्यो बताउँछ । संविधानअनुरुप अभ्यस्त हुन हामीलाई समय पनि लाग्यो । हामी संघले संघीय महत्वका आयोजना र कार्यक्रममा केन्द्रित हुनुपर्छ भन्नेकुरामा यहाँहरुको जोड छ । यसलाई गम्भीरतापूर्वक लिएको छु । ’
उपप्रधानमन्त्री पौडेलले आगामी आर्थिक वर्षको बनेटबाट सांसदहरुले महत्वपूर्ण सुझाव दिनुभएको र सुझावहरुलाई समेटेर बजेट निर्माण गर्ने प्रतिवद्धता जनाउनु भयो । परिस्थिति असहज भएकाले बजेट निर्माण गर्दा बजेटको साइज, विनियोजन कौशलता र कार्यान्वयनको सुनिश्चितताका साथै प्राथमिकतका निर्धारण गर्ने क्रममा छलफलको विषय बनाएर अघि बढ्ने बताउनु भयो ।
