उर्जा, जलश्रोत तथा सिंचाईमन्त्री दीपक खड्काले दृश्य बिनाको समाचार पूरा नहुने बताउनुभएको छ ।
शनिवार राष्ट्रिय फोटो पत्रकारिता दिवस २०८२ को अवसरमा राष्ट्रिय फोटो पत्रकार समूह, नेपालले ललितपुरमा आयोजना गरेको कार्यक्रमलाई सम्बोधन गर्दै उहाँले यस्तो बताउनुभएको हो । उहाँले पत्रकारिता र फोटो पत्रकारितामा केही विशेष भिन्नताहरु रहेको र समाजलाई सुसज्जित गर्नका निमित्त फोटो पत्रकारिताको महत्व अझ बढी रहेको बताउनु भयो । पत्रकारितामा पित पत्रकारिता हुने तर फोटो पत्रकारिता निष्पक्ष हुने उहाँको भनाइ छ । समाचार बंग्याएर आफू अनुकुल वा कसैको प्रतिकुल बनाउने कुरा पत्रारिताबाट गर्न सकिने भएपनि फोटो पत्रकारिता निष्पक्ष हुने बताउनु भयो ।
मन्त्री खड्काले भन्नुभयो, ‘पत्रकारिता र फोटो पत्रकारितामा केही विशेष भिन्नताहरु छ । समाजलाई सुसज्जित गर्नका निमित्त पत्रकारितामा हामी पित पत्रकारिताको पनि कुरा गर्छौं । बंग्याउने, टिंग्याउने अर्थात के गर्दा कसका लागि के अनुकुल हुन्छ भनेर हामी प्रश्तुत गर्नसक्छौ । तर फोटो पत्रकारितामा त्यो सम्भव छैन । त्यो अत्यन्तै निष्पक्ष हुन्छ । र बुझ्न सकिन्छ । भनेको भन्दा दृश्य आफैँ बोल्छ भनेको जस्तो प्रमाणित हुने खालको पत्रकारिता हो फोटो पत्रकारिता । फोटो पत्रकारिता, दृश्य बेगर समाचारहरु अपुरो हुन्छ ।
मन्त्री खड्काले फोटो पत्रकारितमा केही समस्या रहेको भएपनि आफ्नो उद्देश्यका रुपमा लिएर अघि बढ्न जरुरी रहेको बताउनु भयो ।
