पोखरा । नेपाली बजारमा आज सुनको भाउ स्थिर रहेको छ । पाँच गत मंगलबारदेखि निरन्तर बढेको सुनको भाउ आज स्थिर रहेको हो ।
नेपाल सुनचाँदी व्यवसायी महासंघका अनुसार आज सुनको भाउ प्रतितोला एक लाख ९७ हजार ५ सय रुपैयाँ कामय भएको छ । आइतबार पनि यही मूल्यमा सुनको कारोबार भएको थियो ।
आज पोखरा बजारमा पनि सुनको भाउ एक लाख ९८ हजार रुपैयाँ नै कायम भएको नेपाल सुनचाँदी रत्न तथा आभूषण संघ कास्कीले जनाएको छ ।
यता, असली चाँदी उच्च मूल्यमा पुगेर स्थिर रहेको छ । सोमबार तोलामा दुई हजार एक सय ६५ रुपैयाँमा चाँदीको कारोबार भएको छ । तीन दिनदेखि चाँदी यही मूल्यमा स्थिर छ ।
आज पोखरा बजारमा चाँदीको भाउ दुई हजार एक सय ९५ रुपैयाँ कायम भएको छ ।
