पोखरा । तनहुँको डुम्रे बजारमा आज दिउँसो ब्रेक फेल भएको ट्रकले रोकिराखेको माइक्रो र पैदयात्रीलाई ठक्कर दिँदा चार जना घाइते भएका छन् ।
घाइते हुनेमा तनहुँको भानु नगरपालिका वडा नं १ की ५० वर्षीया आइतीमाया तामाङ, ४० वर्षीया सीता सुनार, २८ वर्षीय सञ्जिव बस्नेत र स्याङ्जाको वालिङ नगरपालिका वडा नं ५ का ४० वर्षीय रामबहादुर सार्की छन् । घाइतेमध्ये रामबहादुर माइक्रो चालक हुन् ।
उनीहरुको डुम्रेस्थित लक्ष्मी अस्पतालमा उपचार भइरहेको प्रहरीले जनाएको छ ।
दमौलीबाट आँबुखैरेनीतर्फ जाँदै गरेको ना६ख ७७६५ नम्बरको ट्रकले रोकिराखेको बा३ख १०३१ नम्बरको माइक्रोलाई ठक्कर दिएको थियो ।
ब्रेक फेल भएको ट्रक माइक्रो र पैदलयात्रीलाई ठक्कर दिँदै घरको पेटीमा गएर ठोक्किएको थियो ।
ट्रक चालकलाई नियन्त्रणमा लिएर आवश्यक अनुसन्धान गरिरहेको प्रहरीले जनाएको छ ।
