नेपाली काँग्रेसका नेता उमेशजंग रायमाझीले समस्यालाई पहिचान गरेर अघि बढ्नुको विकल्प नरहेको बताउनुभएको छ ।
विपी काँग्रेसले काठमाडौंमा आयोजना गरेको चियापान तथा छलफल कार्यक्रममा बोल्दै उहाँले यस्तो बताउनुभएको हो । उहाँले समस्याकै कारण आन्दोलन भएको बताउँदै अहिले मुलुक जलेको बताउनु भयो । सिंहदरबार त्यसै नजलेको उल्लेख गर्नुहुँदै राजनीतिक दलका कमी कमजोरीका कारण सिंहदरबार जलेको बताउनु भयो । संहदरबारमा किन नागरिकलाई छिर्न निषेध गरियो ? भन्दै प्रश्न गर्नुभयो । अहिले पनि नागरिकलाई सिंहदरबार आफ्नो नलागेको पनि बताउनु भयो । राजनीतिक दलहरु राम्रोसँग नचल्दा ब्युरोकेसी र न्यायालयमा समेत प्रभाव परेको जिकिर गर्नुभयो ।
उहाँले भन्नुभयो, ‘समस्या छ, आन्दोलन भएको छ । मुलुक जलेको छ । सिंहदरबार जलेको छ । सिंहदरबार त्यसै जलेको छैन । हाम्रा कमी, कमजोरीले जलेको छ । सिंहदरबारमा किन नागरिकलाई छिर्न निषेध गरियो । नागरिकलाई सिंहदरबार आफ्नो लाग्दै लागेन । ति कुराहरु हामीले ख्याल गर्नुपर्छ । दलहरु राम्रोसँग नचल्दा यो अवस्था आएको हो । हाम्रा नीतिगत, वैधानिक समस्या र दम्भहरुका कारण राजनीतिक दलहरु राम्रोसँग चल्न सकेनन् । ब्युरोकेसी राम्रो चलेन । न्यायालय पनि त्यसकै मारमा प¥यो । कहाँनेर समस्या भयो, त्यसलाई बुझेर अघि बढ्नुपर्छ ।’
उहाँले सिंहदरबार नेपाली हातले जलाउन नसक्ने जिकिर गर्नुभयो ।
