प्रधानमन्त्रीलाई काँग्रेसले भन्योः निर्वाचनका लागि तत्काल शिर्ष नेताहरुसँग छलफल गर्नुस्

नेपाली काँग्रेसले तोकिएको मितिमा निर्वाचन सम्पन्न गराउनका लागि प्रधानमन्त्री सुशीला कार्कीले तत्काल प्रमुख दलका शिर्ष नेताहरुसँग संवाद गर्नुपर्ने बताएको छ । सोमवार सिंहदरवारमा प्रधानमन्त्री कार्कीले बोलाउनुभएको निर्वाचन सम्बन्धि सर्वपक्षीय बैठकमा नेपाली काँग्रेसका सहमहामन्त्री महेन्द्र यादवले सो कुरा बताउनुभएको हो । उहाँले राजनीतिक दल र त्यसका नेताहरुमाथि दुश्मनी साँधेर निर्वाचन सम्पन्न गराउन नसकिने भएकाले प्रधानमन्त्रीले त्यसका लागि आवश्यक वातावरण बनाउनका लागि राजनीतिक दलका शिर्ष नेताहरुसँग छलफल गर्न ढिलाई गर्न नहुने बताउनु भयो ।