रेनबो एकेडेमिक्स होम्स माध्यमिक विद्यालय द्वारा आयोजित रेनबो एसईई कप–२०८३ सम्पन्न, सन्दीप राजा प्रथम

पोखरा । रेनबो एकेडेमिक्स होम्स माध्यमिक विद्यालय को आयोजनामा सम्पन्न रेनबो एसईई कप–२०८३ अन्तर्गत ७–ए–साइड फुटबल प्रतियोगिता सफलतापूर्वक सम्पन्न भएको छ। विद्यालय परिसरमा सञ्चालन भएको उक्त प्रतियोगिता वैशाख ६, ७ र ८ गते गरी तीन दिनसम्म सञ्चालन भएको थियो। प्रतियोगितामा कुल २० टोलीको उत्साहजनक सहभागिता रहेको आयोजकले जनाएको छ।प्रतिस्पर्धात्मक खेलहरूबीच सम्पन्न प्रतियोगितामा सन्दीप राजा उत्कृष्ट प्रदर्शन गर्दै प्रथम स्थान हासिल गर्न सफल भएको छ। विजेता टोलीले नगद रु. २५ हजारसहित उपाधि हात पारेको छ। त्यस्तै सामु एफसी उपविजेता बन्दै नगद रु. १५ हजार पुरस्कार प्राप्त गर्न सफल भएको छ।विद्यालयले प्रतियोगितालाई केवल खेलकुद गतिविधिमा मात्र सीमित नराखी सहभागी विद्यार्थीहरूलाई प्रोत्साहन गर्ने उद्देश्यले आकर्षक छात्रवृत्ति योजनासमेत घोषणा गरेको जनाएको छ। विजेता तथा उत्कृष्ट प्रदर्शन गर्ने खेलाडीहरूलाई विद्यालयमा अध्ययनका लागि विशेष छात्रवृत्ति उपलब्ध गराइने व्यवस्था गरिएको विद्यालय प्रशासनले जनाएको छ।प्रतियोगिताले विद्यार्थीहरूबीच खेलकुद भावना, नेतृत्व क्षमता, अनुशासन तथा आपसी सहकार्यको विकासमा सकारात्मक योगदान पुर्‍याएको विद्यालयको विश्वास रहेको छ। साथै एसईईपछि विद्यार्थीहरूलाई खेलकुदसँग जोड्दै उनीहरूको प्रतिभा पहिचान र प्रोत्साहन गर्ने उद्देश्यले प्रतियोगिता आयोजना गरिएको विद्यालयले जनाएको छ।विद्यालयका अनुसार आगामी दिनहरूमा पनि यस्ता शैक्षिक तथा खेलकुदमूलक कार्यक्रमलाई निरन्तरता दिँदै विद्यार्थीहरूको सर्वाङ्गीण विकासमा जोड दिइनेछ।