पोखरा। पोखरामा मोटरसाइकलको ठक्करबाट पैदलयात्रीसहित दुई जनाको ज्यान गएको छ।
बिहीबार बिहान पोखरा महानगरपालिका वडा नं १७ बालोदय चोकस्थित सिद्धार्थ राजमार्गमा उक्त दुर्घटना भएको प्रहरीले जनाएको छ।
प्रहरीका अनुसार बिरौटाबाट छोरेपाटनतर्फ जाँदै गरेको ग१४प ४८७९ नम्बरको मोटरसाइकलले बाटो काट्दै गरेका पैदलयात्रीलाई ठक्कर दिएको थियो।
उक्त मोटरसाइकल अनियन्त्रित भएर सडकको बीचमा रहेको डिभाइडरमा ठोक्किन पुगेको थियो।
दुर्घटनामा मोटरसाइकल चालक पोखरा-१७ बस्ने १९ का सफलकुमार श्रेष्ठ र पैदलयात्री लमजुङ घर भइ हाल पोखरा-१७ बिरौटामा बस्ने ४५ वर्षीय कृष्ण कुमाल गम्भीर घाइते भएका थिए।
उनीहरूलाई तत्कालै उपचारका लागि पश्चिमाञ्चल क्षेत्रीय अस्पताल पठाइएकोमा चिकित्सकले मृत घोषणा गरेको प्रहरीले जनाएको छ ।
दुर्घटनाबारे थप अनुसन्धान भइरहेको प्रहरीले जनाएको छ ।
