पाेखरा । भारतीय सेनाको हतियार कारखानामा शक्तिशाली विस्फोट भएको छ ।
महाराष्ट्र राज्यको भण्डारास्थित हतियार कारखानामा शुक्रबार बिहान करिब १०ः३० बजे विस्फोट भएको बताइएको छ ।
सो घटनामा ११ जनाको शव फेला परेको सञ्चारमाध्यमले जनाएको छ ।
विस्फोटको आवाज पाँच किलोमिटर टाढासम्म सुनिएको भारतीय सञ्चारमाध्यमले जनाएका छन् । के कारणले विस्फोट भयो भन्नेबारे प्रस्ट भइसकेको छैन ।
विस्फोटबाट हतियार कारखानाको एउटा छत भत्किएको र जेसीबीको मद्दतमा भग्नावशेष पन्छाउने काम भइरहेको अधिकारीले जनाएका छन् ।
महाराष्ट्रका मुख्यमन्त्री देवेन्द्र फडणवीसले भत्किएको छतले पुरिएर १३–१४ जना फसेको जानकारी पाएको बताएका छन् ।
