प्रिय किशोरदत्त बरालज्यू,
कास्की कांग्रेसको नेतृत्वमा तपाईंको कार्यकालले पार्टीको वर्तमान र भविष्यका बारेमा गम्भीर चिन्ता उठाएको छ । यस पत्रमा मैले तपाईंको नेतृत्वको समीक्षा गर्ने प्रयास गर्नेछु, ताकि यसबाट तपाईंको नेतृत्वको सकारात्मक र नकारात्मक पक्षको एक संयमित विश्लेषण गर्न सकियोस् । यस लेखनमा म तपाईंको व्यक्तिगत आस्थामा हस्तक्षेप नगरि केवल पार्टीको समग्र हितका लागि विचार प्रकट गर्दैछु ।
कास्की कांग्रेसको नेतृत्वको बहस गर्दा तपाईंको कार्यकाल एक स्पष्ट र निर्विवाद असफलताको उदाहरण बन्न पुगेको छ । पार्टीको आन्तरिक संरचनामा सुधार ल्याउने, कार्यकर्तालाई प्रेरित गर्ने र समाजमा प्रगति गर्नका लागि ठोस कदम नचालेको, नेतृत्वका ढिलाइ र निर्णयको कमीले पार्टीलाई समृद्धिको मार्गमा अघि बढाउन सक्ने छै
यस अर्थमा तपाईंको नेतृत्वको मूल्याङ्कन गर्दा एउटा महत्वपूर्ण बिन्दु यो हो कि नेतृत्व भनेको केवल नामको लागि होइन, बरु वास्तविक कार्य र परिणामका लागि हो ।
कसैका लागि यो स्वीकार्न गाह्रो हुन सक्छ । तर पार्टीको असफलताको एक प्रमुख कारण तपाईंको नेतृत्वको अपर्याप्तता र अनिश्चितता हो । जस्तो कि एउटा आलु बोरामा सड्न थालेपछि अरु आलुको प्रभाव पनि सँगै घट्न थाल्छ । त्यस्तै तपाईंको नेतृत्वले पार्टीका अन्य प्रयासको प्रभाव पनि नकारात्मक रूपमा परिमार्जित गरेको छ । यसो हुनुको मुख्य कारण तपाईंको नेतृत्वको दिशाहीनता हो । जसले पार्टीका कार्यकर्ता र समर्थकलाई निराश पारिरहेको छ ।
अब समय आएको छ, जहाँ पार्टीको प्रगति र समृद्धिका लागि नयाँ दृष्टिकोण र नेतृत्वको आवश्यकता छ । तपाईंको नेतृत्वको निराशाजनक अतीतलाई ध्यानमा राख्दै कास्की कांग्रेसका कार्यकर्ता अब एक नयाँ र उर्जाशील नेतृत्वको खोजीमा छन् ।
कास्की कांग्रेसको भविष्यको प्रक्षिप्त दिशा नयाँ विचार र वैचारिक सशक्तताको आधारमा तय गर्नुपर्नेछ, जसका लागि तपाईंको भूमिका अब अवश्य नै पूर्ण भएको छ ।
कांग्रेस पार्टीको भविष्यलाई अझ बलियो र सशक्त बनाउनका लागि तपाईंको मार्गदर्शनलाई अब अवकाशमा राखेर युवा र दूरदर्शी नेतृत्वलाई सामेल गर्न महत्त्वपूर्ण समय आएको छ । तपाईंको पक्षमा सहानुभूति र समझाइ नभएको छैन तर पार्टीको हितमा अब तपाईंको नेतृत्वको अन्त्य हो ।
यस पत्रले तपाईंको समर्पण र प्रतिबद्धता विपरीत पार्टीका लागि उन्नतिको मार्गदर्शनको आवश्यकता दर्शाउँछ । तपाईंलाई शुभकामना र सफलताको कामना छ । आशा छ, तपाईं पार्टीलाई अझ उन्नत र बलियो दिशा दिनका लागि मार्ग प्रशस्त गर्नु हुनेछ ।
-भूपेन्द्र प्रसाद अधिकारी
[कास्की कांग्रेस कार्यकर्ता]
