पोखरा । ओखलढुंगामा गएराति सुमो दुर्घटना आमाछोरासहित तीन जनाको घटनास्थलमै ज्यान गएको छ ।
मृत्यु हुनेमा खोटाङको केपिलासगढी गाउँपालिका वडा नं ३ बास्पानीकी ५६ वर्षीया मायादेवी गुरुङ, उनका छोरा २८ वर्षीय पूजन गुरुङ र दिक्तेल रुपाकोट मझुवागढी नगरपालिका–१२ जालपाकी ४५ वर्षीया तारा गुरुङ छन् ।
जिल्ला प्रहरी कार्यालय खोटाङका प्रहरी नायब उपरीक्षक (डीएसपी) प्रतीक विष्टका अनुसार खोटाङबाट काठमाडौँ आउँदै गरेको ना१ज ६४२१ नम्बरको सुमो ओखलढुंगाको मानेभन्ज्याङ गाउँपालिका वडा नं ७ भडारेखोलामा दुर्घटना भएको हो ।
दुुर्घटना पश्चात् चालक सुनसरीका २२ वर्षीय अनिल पण्डित फरार रहेको र उनको खोजी भइरहेको डीएसपी विष्टले जानकारी दिए ।
मृतकको शव पोष्टमार्टमका लागि जिल्ला अस्पतालमा राखिएको र घटनाबारे अनुसन्धान भइरहेको डीएसपी विष्टले बताए ।
समाचार स्रोतका अनुसार बिरामी मायादेवीको उपचारका लागि खोटाङको दिक्तेलबाट काठमाडौँ आउँदै थिए ।
तारा मायादेवीका आफन्त हुन् । गाडी सडकबाट पल्टिएर दुइ सय मटर तल खोला किनारमा पुगेको छ ।
