पोखरा । पोखरा महानगरपालिका वडा नं. १२ स्थित हिलप्वाइन्ट माविमा सरस्वती पूजा विशेष सरस्वती पूजा र अक्षरारम्भ कार्यक्रम सम्पन्न भएको छ ।
विद्यालयस्थित सरस्वती मन्दिरमा दीप प्रज्ज्वलन गरी विद्यालयका प्राचार्य दिवाकर जैशी र संस्थापक गंगा लामिछाने जैशीले कार्यक्रम शुभारम्भ गरेका थिए ।
उक्त अवसरमा प्राचार्य जैशीले विद्याकी देवी सरस्वती र सरस्वती पूजाको महत्वबारे प्रकाश पारेका थिए ।
विद्यार्थीको तर्फबाट कक्षा ६ का क्रिसमन ढुंगानाले पनि सरस्वती पूजाको महत्वबारे आफ्ना भनाइ राखेका थिए ।
कार्यक्रम सञ्चालन शिक्षिका भावना लामिछाने र कमला सुवेदीले गरेका थिए ।
यस्तै विद्यालयअन्तर्गतकै हिल्सबड मन्टेसरीमा पनि सरस्वती पूजाको अवसरमा रक्षरारम्भ कार्यक्रम भएको छ ।
संस्थापक गंगा लामिछाने जैशी र देवकी सापकोटाको नेतृत्वमा कार्यक्रम भएको विद्यालयले जनाएको छ ।
कार्यक्रममा करिब पाँच सय विद्यार्थी सहभागी भएको विद्यालयका सहायक प्राचार्य गंगाराम पौडेलले जानकारी दिए ।
२०३८ सालमा स्थापित विद्यालयमा हाल आठ सय विद्यार्थी अध्ययनरत छन् ।
विद्यालयमा कक्षा १२ मा विज्ञान, व्यवस्थापन, होटल व्यवस्थापन र फाइन आर्टको पढाई हुँदै आएको छ ।
