पोखरा । पोखरा महानगरपालिका वडा नं १२ स्थित पोखरा युनाइटेड एकेडेमीमा अक्षरारम्भसँगै विद्यार्थी भर्ना कार्यक्रम सम्पन्न भएको छ ।
सरस्वती पूजाको अवसरमा अक्षरारम्भसहित शिशु र नर्सरी कक्षामा विद्यार्थी भर्ना भएको छ ।
विद्यालयका सहायक प्राचार्य देवेन्द्र अधिकारीका अनुसार शिशु कक्षा र नर्सरी कक्षाका चार/चार वटा सेक्सनमा विद्यार्थी भर्ना पूर्ण भएको छ ।
दुवै कक्षामा एकै दिनमा विद्यार्थी पूरा हुनुले विद्यालयप्रति विद्यार्थीको आकर्षण बढेको उनले दावी गरे ।
विद्यालयअन्तर्गतकै स्मल हेभन मन्टेसरीमा पनि सरस्वती पूजाका अवसरमा अक्षरारम्भसँगै भर्ना कार्यक्रम सम्पन्न भएको बताइन्छ ।
विद्यालयले यही माघ १५ गते आयोजना गरेको फुड फेस्टिभल तथा कन्सर्ट कार्यक्रम सफलतापूर्वक सम्पन्न भएको र यसले विद्यालयको गरिमालाई निकै माथि पुर्याएको प्राचार्य बयानबहादुर गोदारले दावी गरे ।
२०५० सालमा स्थापित विद्यालयमा हाल आठ सय ५० विद्यार्थी रहेकामा कक्षा ११ र १२ मा मात्रै दुई सय २० विद्यार्थी छन् ।
विद्यालयका कक्षा ११ र १२ मा विज्ञान, व्यवस्थापन र होटल व्यवस्थापनको पढाई हुँदै आइरहेको छ ।
विद्यालयका अनुसार आगामी दिनमा मोवाइल, टीभी र अन्तर्राष्ट्रिय भाषासँग सम्बन्धित कक्षा सञ्चालनको तयारी गरिएको छ ।
