पोखरा । नेपाली बजारमा आज सुनको भाउ घटेको छ । बिहीबारको तुलनामा आज शुक्रबार सुनको भाउ प्रतितोलामा चार सय रुपैयाँ घटेको हो ।
मूल्य घटेसँगै आज सुनको भाउ प्रतितोला एक लाख ६८ हजार एक सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
बिहीबार सुनको भाउ प्रतितोला एक लाख ६८ हजार पाँच सय रुपैयाँ थियो ।
पोखरा बजारमा आज सुनको भाउ एक लाख ६८ हजार छ सय रुपैयाँ कायम भएको नेपाल सुनचाँदी रत्न तथा आभूषण संघ कास्कीले जनाएको छ ।
यता, आज असली चाँदीको भाउ भने तोलामा पाँच रुपैयाँ बढेको छ । मूल्य बढेसँगै चाँदीको भाउ प्रतितोला एक हजार आठ सय ८५ रुपैयाँ कायम भएको छ ।
चाँदीको भाउ बिहीबार एक हजार आठ सय ८० रुपैयाँ थियो । आज पोखरा बजारमा चाँदीको आज एक हजार नौ सय १५ रुपैयाँ कायम भएको छ ।
