पोखरा । पोखर महानगरपालिका वडा नं ११ फूलवारीस्थित प्राइम मन्टेश्वरी स्कुलको १४औँ वार्षिकोत्सव सम्पन्न भएको छ ।
कार्यक्रम उद्घाटन गर्दै शिक्षा विकास तथा समन्वय इकाई प्रमुख लोकनाथ आचार्यले बालबालिकालाई उचित शिक्षा प्रदान गर्न मन्टेश्वरीले महत्वपूर्ण भूमिका खेल्ने बताए । उनले मन्टेश्वरी शिक्षाले बालबालिकाको बौद्धिक विकास पनि छिटो हुने दावी गरे ।
उनले बालबालिकाको सिकाई प्रयोगात्मक र बालमैत्री वातावरणमा हुनुपर्नेमा समेत जोड दिए ।
पोखरा महानगरपालिका शिक्षा महाशाखाका वरिष्ठ अधिकृत बद्री सुवेदीले अभिभावकले बालबालिकालाई पर्याप्त समय दिनुपर्ने खाँचो औंल्याए ।
प्रशिक्षक एवं फ्यासिलेटर प्रदीप पराजुलीले बालबालिकाको भावना र अनुशासनमा सबैले ध्यान दिनुपर्ने बताए ।
पोखरा ११ का वडाध्यक्ष प्रेमप्रसाद कर्माचार्यले प्राइम मन्टेश्वरीले छोटो समयमै राम्रो प्रगति गरेको भन्दै प्रशंसा गरे ।
मन्टेश्वरीका संस्थापक निर्देशक विष्णुप्रसाद घिमिरेले मन्टेश्वरी शिक्षा पद्धतिलाई समयानुकुल परिमार्जित र परिस्कृत गर्र्दै अघि बढ्ने प्रतिवद्धता जनाए ।
निर्देशक कविता पराजुलीले मन्टेश्वरी स्थापनादेखि हालसम्म भएका गतिविधिमाथि प्रकाश पारेकी थिइन् ।
बालबालिकाले विभिन्न सांस्कृतिक र सांगीतिक क्रियाकलाप प्रस्तुत गरेको कार्यक्रमको सञ्चालन आर्ट शिक्षक अप्सरा जिसीले गरेकी थिइन् ।
कार्यक्रममा शिक्षक सुस्मिता पुन र कर्मचारी कुमार गुरुङलाई सम्मान गरिएको थियो ।
