पोखरा । हाल देशमा पश्चिमी वायुको आंशिक प्रभाव रहेको छ । जसको प्रभावले गण्डकी र कोशी प्रदेशका पहाडी भू-भागमा आंशिक बदली रही बाँकी भागमा मौसम सफा रहेको जल तथा मौसम पूर्वानुमान महाशाखाले जनाएको छ । आज देशका मध्य र पूर्वी तराईका केही भागमा हुस्सु लागेको छ ।
महाशाखाका अनुसार आज दिउँसो गण्डकी र कोशी प्रदेशका पहाडी भागमा आंशिक बदली रही बाँकी भागमा मौसम सफा रहनेछ ।
साथै कोशी प्रदेशका उच्च पहाडी तथा हिमाली भागका एक-दुई स्थानमा हल्का हिमपातको सम्भावना छ ।
आज राति गण्डकी र कोशी प्रदेशका पहाडी भागमा आंशिक बदली रही बाँकी भागमा मौसम सफा रहने छ ।
आगामी २४ घण्टामा कोशी प्रदेशका उच्च पहाडी तथा हिमाली भागका एक-दुई स्थानमा हल्का हिमपातको सम्भावना छ ।
गण्डकी प्रदेशको राजधानी पोखरामा तापक्रम क्रमशः बढ्दै गएको छ । बुधबार बिहान ८ बजे १२, बिहीबार बिहान ८ बजे १३ डिग्री सेल्सियस रहेको पोखराको तापक्रम आज बिहान ८ बजे १४ डिग्री सेल्सियस छ । आज तापक्रम २१ डिग्री सेल्सियससम्म पुग्ने अनुमान गरिएको छ ।
आज पोखराको सापेक्षित आद्रता ६३ प्रतिशत छ भने पानी पर्ने सम्भावना नभएको बताइन्छ । समग्रमा आजको दिन घमाइलो रहनेछ ।
