पोखरा । हेमजा साहित्य प्रतिष्ठान नेपालको अध्यक्षमा सुनील गायक निर्वाचित भएका छन् । प्रतिष्ठानको २६औँ वार्षिक साधारणसभा १३औँ अधिवेशन गायकलाई सर्वसम्मत अध्यक्षमा निर्वाचित गरेको हो ।
संस्थाको उपाध्यक्षमा छन्दमणि त्रिपाठी, सचिवमा छन्दिका त्रिपाठी, कोषाध्यक्ष आक्रान्त गौतम, सहसचिवमा आभाष दाहाल र सहकोषाध्यक्षमा दिवाकर पौडेल छन् ।
यसैगरी कार्यसमिति सदस्यमा शिव त्रिपाठी, भरतराज अधिकारी, वसन्तराज त्रिपाठी, डल्लीराम पौडेल, सूर्य गिरी र रीता थापा छन् ।
प्रतिष्ठानका पूर्वअध्यक्ष कृष्णप्रसाद पौडेल संयोजक, पूर्वसचिव माधवशरण पौडेल र पूर्वउपाध्यक्ष प्रकाशचन्द्र सापकोटा सदस्य रहेको निवार्चन समितिले नयाँ कार्यसमिति चयन गरेको हो ।
यसअघि कार्यक्रम उद्घाटन गर्दै गण्डकी प्रदेशसभाका पूर्व सदस्य डा. पुष्पा केसी भण्डारीले साहित्यको श्रीवृद्धिमा हेमजा साहित्य प्रतिष्ठानको भूमिका निकै महत्वपूर्ण रहेको बताइन् ।
कार्यक्रममा साहित्यकार असफल गौतम, टेकनाथ गौतम र पूर्वअध्यक्ष कृष्णप्रसाद पौडेलले बोलेका थिए ।
संस्थाका अध्यक्ष बलराम पौडेलको अध्यक्षतामा भएको कार्यक्रमको सञ्चालन सचिव परशुराम अधिकारीले र धन्यवाद ज्ञापन छन्दमणि त्रिपाठीले गरेका थिए ।
कार्यक्रममा शिव त्रिपाठी, प्रकाश त्रिपाठी र छन्दिका त्रिपाठीले रचना वाचन गरेका थिए ।
