पोखरा । मानव सेवा फाउण्डेसनले पोखराका विभिन्न मठ मन्दिरमा सरसफाई र रंगरोगन गरेको छ ।
महाशिवरात्रीलाई मध्यनजर गर्दै मानव सेवा फाउण्डेसन नेपालले पोखरामा रहेका विभिन्न मठमन्दिर सरसफाई र मन्दिरमा रंगरोगन गरेको हो ।
पोखरा महानगरपालिका वडा नं ६ सिमपानीस्थित ॐ शिवमणि कैलाशधाम मन्दिर परिसर सरसफाईसँगै रंगरोगनको कार्य गरेको मन्दिरका अध्यक्ष गिरीराज अधिकारीले जानकारी दिए ।
फाउण्डेशनले बैदामस्थित मुक्तेश्वर शिव मन्दिरमा पनि सरसफाइसँगै रंगरोगनको कार्य गरेको बताइएको छ ।
फाउण्डेशनले आगामी वैशाखमा पोखरामा गण्डकी कोटीहोम महायज्ञ गर्ने तयारी गरेको छ ।
कोटीहोमको तयारी करिब अन्तिम चरणमा पुगेको आयोजकले जनाएको छ ।
